Ignace DUKUZIMANA 
Iradukunda Elsa wabaye miss 2017, yakorewe ibirori byo gusezera ku bukobwa byitwa ‘Bridal shower’ mu gihe arimo kwitegura kurushinga na Ishimwe Dieudonne wamenyekanye nka Prince Kid. Ibi birori byitabiriwe na bamwe mu nshuti ze za hafi, dore ko iby’urukundo rwe bitakunze kujya hanze.
Ibi kandi byagaragariye mu mashusho yashyizwe hanze na bamwe mu nshuti ze, aho Iradukunda Elsa yagaragaye aririmba yizihiwe cyane. Amakuru yakunze kuvuga ko Iradukunda Elsa na Prince kid bitegura gukora ubukwe kuwa 1 Nzeri 2023.
Aba bombi basezeranye mu mategeko kuwa 2 Werurwe 2023 nk’umugore n’umugabo mu murenge wa Rusororo. Amarenga y’urukundo rw’aba bombi yakunze kugaragara mu gihe Prince Kid yari mu manza, aho hanabaye kwitangirwa n’umugore we Iradukunda Elsa, urukundo rwabo rwari ibanga rutangira kunugwanugwa kuva ubwo.
Ignace DUKUZIMANA 
