Ubushakashatsi bugaragaza ko mu bintu biteye ubwoba bigira uruhare mu kwiyongera kw’abarwayi ba kanseri cyane mu rubyiruko ku isi, harimo umubyibuho ukabije ndetse no kunywa inzoga. Ibiro ntaramakuru by’abongereza bigaragaza ko abashakashatsi bagaragaje ko hiyongereyeho 79% mu bantu bashya barwara kanseri mubari hasi y’imyaka 50 kuva mu 1990 na 2019.

Itsinda ryaturutse muri kaminuza ya Edinburgh n’ishuri ry’ubuvuzi rya kaminuza ya Zhejiang mu Bushinwa, ryasesenguye imibare yavuye mu bushakashatsi bwakozwe na Global Burden of Disease 2019 kuri kanseri 29 zo mu bihugu no mu turere 204. Barebye indwara nshya, impfu, ingaruka z’ubuzima n’impamvu zishobora gutera abantu bafite hagati y’imyaka 14 na 19 bagereranya ijanisha ry’umwaka kuri buri mwaka.

Muri 2019, hagaragaye ibipimo bya kanseri miliyoni 3.26 byagaragaye mu bantu bari munsi y’imyaka 50, bigaragaza ukwiyongera kwa 79.1% kuva mu 1990. Abapfuye nabo biyongereyeho 27.7%. abashakashatsi bavuze ko mu gihe utunyangingo (Genetic) dushobora kugira uruhare mu kwandura kwa kanseri, ariko kunywa itabi, inzoga ndetse no kurya indyo ikungahaye ku inyama n’umunyu ariko idakungahaye ku mbuto n’amata, biri mu bintu bikomeye cyane bishobora gutera ubwandu, hiyongereyeho n’ibindi nk’umubyibuho ukabije, imyitozo ngororamubiri mike ndetse n’isukari nyinshi mu maraso.

Mu bantu bose barwaye kanseri, abenshi ni abarwaye kanseri y’ibere kuko mu bipimo 100,000 hagaragara -13.7 mu gihe abarwayi ba kanseri ya (Windpipe na Prostate) biyongera ku kigero cya 2.28% na 2.23% ku mwaka. Nyamara kandi indwara ya kanseri y’umwijima yagabanutseho 2.88% iyo imenyekanye kare.

Dr Xue Li, umwanditsi w’umushakashatsi wo mu kigo cy’isi cyita ku buzima ishami rya Usher Institute cya kaminuza ya Edinburgh, yavuze ko kuva mu 1990 kugera muri 2010 kanseri yari iri ku muvuduko munini mu gihugu cy’u Bwongereza, ariko kuva muri 2010 kugera muri 2019 yagumye ku kigero kidakanganye cyane mu kwandura.

Yagize ati “Ku bw’amahirwe umubare w’abantu bapfa buri mwaka bazize kanseri bakiyandura wagiye ugabanuka, ibyo bikaba bigaragaza imbaraga zidasanzwe zo gusuzuma no kuvura kanseri mu myaka 30 ishize.”

Itangazo ryasohotse mu kinyamakuru BMJ Oncology, nyuma y’uko hakozwe ubushakashatsi mu bwongereza bwita ku barwayi ba kanseri, rivuga ko iterambere mu buvuzi bwa kanseri ryafashije kurokora ubuzima bw’abantu miliyoni 1.2 mu Bwongereza kuva mu mwaka 1980. Igishushanyo mbonera kigaragaza ko Iyi mibare ikubiyemo abagera kuri 560.000 bapfuye bishwe na kanseri y’ibihaha, 236.000 bapfa bazize kanseri yo mu gifu, 224.000 bazize kanseri y’amara na 17.000 bazize kanseri y’ibere.

Uyu muryango wagaragaje ko iterambere ryo gukumira kanseri riri kugenda rizamuka, gusuzuma no kuvura by’umwihariko guha ubukana imiti ndetse n’ibikoresho bikoreshwa basuzuma kanseri. Umuyobozi mukuru ushinzwe amakuru y’ubuzima mu kigo cy’ubushakashatsi cy’abongereza, Dr Claire Knight yavuze ko bihangayikishije ku kuba kanseri iri kwiyongera mu buryo butazi impamvu, ariko kumenya ko umuntu arwaye kanseri acyandura bishobora kugira umumaro wo gutuma kanseri isuzumwa hakiri kare hakagira igikorwa.