Kuri uyu wa 6 mata 2023 urukiko rw’ibanze rwa Nyarugenge rwaburanishije urubanza rwa Tuyisenge Evariste wamenyekanye nka Ntama w’Imana 2 kuri twitter, ukurikiranweho ibyaha bikorerwa ku mbuga nkoranyambaga. Mu rubanza uyu musore yunganiwe n’umunyamategeko Me Muramira Innocent.

Ubushinjacyaha bwagaragaje ko bukurikiranyeho uyu musore ibyaha bikoresha ikoranabuhanga bumusabira gufungwa imyaka 3 aho bwagaragaje ko yakoze ibyaha byo gushishikariza abantu gusambanya abana bato akoresheje ikoranabuhanga.

Ubushinjacyaha kandi ntago bwigeze buregera uyu musore ibyaha by’ibiyobyabwenge kuko bwasanze nta bimurimo. Uyu musore yabwiye urukiko ko yakoze ibyaha kandi agasaba imbabazi bityo azakoresha imbuga nkoranyambaga akangurira abantu gukora ibikwiriye no kwirinda ibyaha. Urukiko rwanzuye ko ruzasoma imyanzuro y’urubanza kuwa 14 mata 2023.