Nyuma y’imyaka hafi 5 yose badatora nyampinga, mu gihugu cya Uganda umukobwa witwa Hannah Karema tumukunde niwe wabaye nyampinga wa 2023. Iyi nkuru ya nyampinga wa Uganda iri mu ziri kuvugwaho cyane mu karere igihugu cya Uganda gaherereyemo.

Bimwe mu biri gutuma iri rushanwa rivugwa cyane ni uko ryari rimaze igihe kinini ridakorwa bityo rikaba ryaje rifitiwe amatsiko cyane. Ikindi kiri kuvugwaho ni ubwiza bw’uyu mukobwa Tumukunde bivugwa ko bitari bimenyerewe ko hatorwa umukobwa ufite ubwiza nk’awe.

Ademy Whitney Martha yabaye igisonga cya mbere cya Nyampinga naho Prossy Agwang aba igisonga cya kabiri. Mu mwaka wa 2019 nibwo hari haherutse kuba irushanwa rya nyampinga wa Uganda, Miss Olivier Nakakande aba nyampinga, ariko mu mwaka wa 2021 ubwo yajyaga kwiga muri America ikamba yarisigiye Elisabeth Bagaya wanaryambitse Hannah kuri iyi nshuro.