Fabos Fali 
Real Madrid yatomboye Manchester City mu mikino ya kamarampaka ya UEFA Champions League, izakinwa kugira ngo hamenyekane amakipe akomeza muri ⅛.
Kuri uyu wa Gatanu, tariki ya 31 Mutarama 2025, ni bwo habaye tombola ku makipe yabonye itike yo gukomeza muri UEFA Champions League ariko abanje kunyura muri kamarampaka nkuko biteganyijwe mu buryo bushya iri rushanwa rikinwamo.
Amakipe yageze muri iki cyiciro ni ayabashije kugaragara mu myanya yo kuva ku wa cyenda kugeza ku wa 24.
Uko tombola yagenze, yasize Real Madrid yo muri Espagne, ihuye na Manchester City yo mu Bwongereza, dore ko aya makipe amaze kuba amakeba muri iri rushanwa biwugira umukino ukomeye.
Amakipe yombi amaze guhura inshuro 12, zirimo eshanu Man City yatsinzemo, Real yegukanamo eshatu mu gihe imikino zanganyije ari itanu.
Uko andi makipe yatomboranye, harimo Paris Saint-Germain izahura na Brest, Monaco na Benfica, Bayern Munich na Celtic, Feyenoord na AC Milan, Sporting na Borussia Dortmund, Juventus na PSV ndetse na Club Brugge izahura na Atalanta.
Amakipe azitwara neza azahura n’ayamaze gukomeza muri ⅛ ari yo Liverpool, Barcelona, Arsenal, Inter Milan, Atletico Madrid, Bayer Leverkusen, Lille na Aston Villa.
Imikino ya kamarampaka irimo ibanza ndetse n’iyo kwishyura izakinwa tariki ya 11 na 18 Gashyantare 2025.
Fabos Fali 
