Mu majonjora yo gushaka Nyampinga w’u Rwanda wa 2019 nibwo hakwirakwiye inkuru y’umukobwa wari uri muri ayo majonjora Isimbi Noeline wavugaga ko yabaye ku muhanda igihe kirekire ibintu bitari bisanzwe muri iryo rushanwa. Ubwo ijonjora ryarangiraga uyu mukobwa ntiyagize amahirwe yo kuza muri 30 bari gukomeza,ari naho inkuru ye isa niyatangiriye uwashakaga kuba miss akisanga atunzwe no gushyira hanze amashusho n’amafoto bye yambaye ubusa.

Isimbi Yvonne Noeline yavuze ko kuba yakoresha igitsina cye yinjiza amafaranga nta kibazo na kimwe kirimo kuko nacyo ari kimwe mu bigize ibice by’umubiri w’umuntu. Muri Werurwe 2019, uyu mukobwa yaciye ibintu ku mbuga nkoranyambaga ubwo yashyiraga hanze amafoto ye yambaye ubusa. Yongeye kugaruka mu mitwe y’abantu mu mpera za 2020 no mu ntangiriro z’uyu mwaka ubwo yasohoraga amashusho asa nurimo akinisha igitsina cye akoresheje ibikoresho byabugenewe, abantu batangira kuvuga ko yinjiye mu mwuga wo gukina filime z’urukozasoni byeruye.

Uyu mukobwa akaba yarafunguye konti ku rubuga rwa Only Fans rumenyereweho gucuruza amashusho y’urukozasoni aho kugira ngo urebe ibyo ashyiraho wiyandikisha(subscribe) ukishyura amadorali 12. Mu kiganiro yagiranye na ISIMBI TV yavuze ko akina filime z’urukozasoni ariko byoroheje, Ati”Sinavuga ko nkina purono(filime z’urukozasoni) mu buryo bweruye ariko ni rwo rwego nabishyiramo, ni nka purono yoroshye, nkoresha ibikoresho by’ikoranabuhanga nsa nk’urimo gukina purono, ni ibintu nk’ibyo.”

Yakomeje avuga ko nta kibazo na kimwe abona kuba yaba akoresha umubiri we ashaka amafaranga kuko igitsina ni kimwe mu bigize umubiri w’umuntu. Ati”None se ni inde utazi igitsina? Buri wese aragifite, buri wese arakizi, ntabwo rero njyewe wambwira ngo igitsina ibiki n’ibiki ntabwo nabyumva. Igitsina ntabwo kiri ku mubiri wacu? Ugikoresheje kikakwinjiriza ikibazo kiri he?”

ati“Niba amaboko uyakoresha ukaba umunyamabanga w’umuntu izo ntoki utazifite nakugira umunyamabanga wanjye gute? Igitsina se ntikiri ku mubiri wacu? Niba kikwinjiriza ni ubucuruzi nk’ibindi, kiranyinjriiza, abakinnyi ba purono batsindira n’ibihembo n’abakinnyi nk’abandi.”

Mu biganiro byinshi uyu mukobwa yagiye agirana n’ibitangazamakuru bitandukanye byo mu Rwanda yagiye yemeza ko ubu asigaye atunzwe n’ibyo Abenshi bafata nko gucuruza amashusho y’ubusambanyi, aho we yemeza ko umubiri ari uwe kandi afite uburengazira bwo kuwukoresha uko ashatse.

Iyi nkuru imaze kuba kimomo abenshi mu bakurikiranira hafi imyidagaduro n’umuco byo mu Rwanda basabye ubuyobozi kugira icyo bwakora ngo uyu mukobwa adakomeza gusebya umuco nk’uko babivuga gusa ku buzima bwite bw’uyu mukobwa ubuyobozi buvuga ko bitashoboka. Isimbi Noeline akunze kuba mu bihugu byo hanze y’uRwanda akaza mu Rwanda nk’uburyo bwo kuruhuka.

Avuga ko nta pfunwe na rimwe ashobora kugira kuko n’abiyandikisha bajya kuyareba nta soni bagira cyangwa ngo bibatere ipfunwe. Ati”Ntabwo rero uzambwira ngo nzagira isoni cyangwa ipfunwe niba umuntu agiye kwiyandikisha(subscribe) ngo andebere igitsina, kuko se ujya kukireba niba uba wumva bidakwiye?”

Ahamya ko ntangaruka bizamugiraho kuko adateganya gushaka umugabo ndetse n’abana azabyara ngo nibakura bakabibona nabo bashobora kuzakora ibyo we atabasha kwiyumvisha. Isimbi Noeline wari mu bakobwa biyamamarizaga kuba Nyampinga w’u Rwanda 2019, amaze imyaka ibiri irenga akora uyu mwuga aho kwiyandikisha ngo urebe amashusho ye bigusaba kwishyura amafaranga ari hagati ya y’ibihumbi 12 na 15 ku kwezi.

Uyu mukobwa kuri ubu ari kubarizwa mu gihugu cya Nigeria ari naho avuga ko akorera akazi ke ka buri munsi, abakurikirana uyu mukobwa ku mbuga nkoranyambaga ze babona amafoto n’amashusho ashyiraho bishishikariza abantu ubusambanyi. Aho we usanga ameze nkuhuza abantu.

Amashirakinyoma kubyo FATAKUMAVUTA akurikiranweho na RIB

Abasore babiri b’abatinganyi bakundana bavumbuye ko ari abavandimwe