Dukuzimana Ignace Ni ibintu bisanzwe kugerageza kumva ibyiyumviro by’umukunzi wawe, kugira ngo umenye niba Atari guhura n’ikibazo cyo kutanyurwa mu rukundo rwanyu. Ariko abantu bamwe na bamwe cyane cyane bahungu birabagora cyane gutobora ngo bavuge ibibabangamiye, nubwo n’abakobwa bahari. Hano tubazaniye ibyo wakora ukamenya ibintu umukunzi wawe atishimira kuri wowe ariko akaba atabikubwira.
Umusore mukundana iyo akubonamo iyi myitwarire 5, ahita abona ko uzamubera umugore w’igitangaza.
1 Tangira ikiganiro umubwira uti” ndashaka ko tuganira, tukabwirana ibintu bitadushimisha mu rukundo rwacu”.
Iyo bigenze gutya, bimufasha kurekera kwifunga ubundi akavuga ikibazo agufiteho kuko uba usa n’umubimburiye. Gusa igihe udashaka ko ikiganiro cyanyu gihinduka imiserero, wowe ibyo umunengaho byaba byiza ubyoroheje.
2 muhe amahitamo yo kugereranya umubaza uti” ese ni ayahe makosa ngukorera ugereranije n’umukunzi wawe wa mbere?”.
Kubera ko iteka usanga umukunzi mwatandukanye atuma ugira amarangamutima, ibi bishobotra kugufasha gutuma umukunzi wawe yirekura maze agatangira kugereranya ibyo umukunzi we yakoraga maze bigatuma nawe wumviraho atanamenye ko washakaga kumenya amakosa umukorera akabiceceka.
3 mwereke ko bigushishikaje umubaze uti” ese ubihagazeho neza ntago ushaka kwigira mwiza ntumbwire ko nkubangamira?”
Umukunzi wawe ugomba kumwitaho ku buryo umwereka ko umushyigikiye muri byose bityo icyo gihe utangira kwinjira mu bitekerezo bye kuburyo akubwira byose. Iyo umweretse ko udashaka kubabazwa n’uko hari ikintu icyo aricyo cyose yaguhisha kugira ngo utababara, bituma akubwiza ukuri buri kimwe.
4 mubwire ikintu uzi ko atishimiye mbere nk’urugero uti” ese ntago byagushimishije cyagihe na…?”
Hano, koresha ibintu uzi neza ko atishimiye nk’ingingo y’ikiganiro ushaka ko muganiraho. Nubimubazaho nk’umuntu urimo gutanga urugero kugira ngo bitaba bibi kuko n’ubundi uziko bitamushimishije umubwire uti” erega ndashaka kwigira ku hahise maze ngateza imbere urukundo rwacu”.
Nubona umusore wibanda cyane kuri ibi ibintu 5 ku bakobwa, uwo ashaka urukundo rufite intego.
5 mwereke ko ushaka gucengera mu mubano wanyu uti” erega mba numva nshaka kukwiyegereza cyane birenze”.
Igihe cyose umukunzi wawe umweretse ko uri gukora iyo bwabaga, ahita atangira kukubwira ibintu byose bimubangamiye abona bitatuma urukundo rwanyu rutagera kure nk’uko urimo kubivuga.
6 mwereke ko nawe bikugiraho ingaruka, uti” ndababara cyane kuba utambwira uko uba wumva ibintu…”.
Numubwira gutya bizazamura amarangamutima ye maze akubwire uko abyumva. Niwongeramo umubwira uti” buriya urukundo nta nubwo ruramba abakundana iyo batabwirana uko bose bumva ibintu” aha azahita yumva ari ingingo ikurengera ituma mugomba kuvuga byose atangire akubwire.
7 mubaze nk’uwibaza uti” hey, ese waba wandakariye?”
Umukunzi wawe ashobora kukubonaho ikosa akabura aho ahera abikubwira, ariko iyo umubwiye nka gutya bimera nk’ibimufunguriye inzira maze agatangira kuba yakubwira igihe koko hari ikintu atishimira. Bityo rero ubu ni uburyo bwiza bwo gutuma akubwira utabinyujije mu nzira zindi zitari nziza.
8 mubwire uti” niba hari ikintu kiri kukubangamira cyangwa kigutesheje umutwe, wambwira ndahari ku bwawe”.
Kuri bamwe na bamwe, iyo ubabwiye gutya mu buryo bwa kibyeyi bituma bafungura imitima yabo bakavuga. Mwegere umuguyaguye maze ujye unamwongereramo utugambo two kumufasha kuzuza ibyo ushaka ko avuga, unamwereka ko uramwumva kandi utaramucira urubanza kubyo avuga.
Niba umukobwa afite ibi bimenyetso, ariyubashye| ngibi ibiranga umugore ufite agaciro.
Byari amarira menshi mu gushyingura Gisele Precious, umugabo we kwihangana byanze| video
Dukuzimana Ignace 