I Rwozamenyo, NSANZINTWARI Seleman usanzwe akora akazi ku bukarani, ngo kuri uyu wa kabiri yahawe akazi n’umu paster avuga ko witwa YVAN ngo ajye kujugunya agahanga k’ipusi, ngo ariko icyakora mbere yo kujya kukajugunya ngo yagize amakenga yo kureba ibyo bari bamuhaye, asanga ngo ni agahanga k’ihene, nyuma yo kujya gukora icyo kiraka yari ahawe ngo yatangiye kumva mu mubiri atameze neza.

Seleman we ubwe arivugira ati” ubwo ejo nari nicaye hano haruguru, uyu mugabo wahangaha aha ku rusengero, aba arambwiye ati”ngwino nkwereke ipusi bajugunye hariya ujye kuyinjugunyira”. Noneho njyewe ndavuga nti” kubera ko ndi umugabo ufite urugo n’abana, nta muntu ujya ujya kujugunya ibintu nkibyo atabanje kureba ibyo aribyo”. nabanje kugira amakenga,mba ndaje ndebye nsanga ni uyu mutwe w’ihene wari uri hariya. Ndavuga nti”apu kuva ari umutwe w’ihene reka njye kuwujugunya”.

Akomeza avuga ati”narawuzamukanye hariya hari ahantu hari icyobo, mba nywusizemo, hashize akanya numva muri njyewe sinzi ukuntu nahindutse, mbwira umuhungu dukorana nti” ariko ko numva mu mubiri, sinzi ukuntu mbaye, ndi kumva nta mbaraga, bimeze bite?”. Umuhungu aba aransubije ati” ubu uriya mutwe ntibaba barawukikuriyemo” uko niko yansubije, nuko nanjye mpita mubwira nti” baba bawunyikuriramo, njyewe hari ikintu mpfa n’abantu?”.

NSANZIMANA Seleman we ubwe yabwiye abantu ko akimara kumva ameze gutyo yahise afata umwanzuro w’uko uyu mutwe yari amaze kujugunya ajya kuwusubiza uwawumuhaye, niko kuza kuryama kuri uru rusengero yari yakuyeho umutwe w’ihene ubutabyuka. SELEMAN akomeza avuga ati”njyewe nkimara guterura uriya mutwe w’iriya hene, naragiye ndawujugunya hariya ariko nahise mpinduka ukuntu, nanjye uko bishoboka kose, ndangije ndavuga nti” nanjye ngomba kuwusubizayo”. Ariko noneho ikintu cyambwiye kiti” uriya mutwe wusubize aho wawukuye”.

Umunyamakuru yahise abaza SELEMAN ikintu cyamubwiye ko agomba gusubiza umutwe aho yawukuye, SELEMAN asubiza avuga ati” ni ikintu cyaje ntago nzi aho cyaturutse, ubwo mpita nywuterura, nibwo naje guhaguruka, nibwo naje nkururuka uriya muhungu niwe wanteruye, ndaza nongera nywusubiza hano”. Umunyamakuru yabajije SELEMAN niba koko arimo kumva yagagaye, amusubiza ko ari kumva yagagaye cyane.

Abaturage bakorana na SELEMAN akazi k’ubukarani, bavuga ko ibyabaye kuri uyu muturage bitumvikana, bagasaba ko ubuyobozi bwabo bwabyinjiramo. Umuturage umwe yavuze ati” ubuyobozi nibadufashe. Rwezamenyo nibadufashe bafate imyanzuro, mugenzi wacu akire”. Undi muturage nawe akomeza avuga ati” ako gafuka bamuhayemo, yarungurutsemo ngi asanga ari umutwe w’ihene. Uwo mutwe w’ihene awujugunya hariya,imbaraga zahise zimushirana, guhaguruka biranga,ngo nuko byagenze”.

Ubuyobozi bw’uru rusenger rwitwa CHURCH OF GOD’S PEOPLE IN RWANDA nta kintu rwifuje kuvuga kuri iki kibazo, gusa ubuyobozi bw’akagali ka RWEZAMENYO ya kabiri mu murenge wa RWEZAMENYO, mu karere ka NYARUGENGE, bwabwiye itangazamakuru ko uyu muturage SELEMAN yamaze kujyanwa ku bitaro bya NYARUGENGE ngo harebwe ikibazo yagize. INGABIRE CHANTAL uyobora aka kagali yavuze ati” uriya muntu wari wagize ikibazo, bita ko cyaba cyakomotse kuri uriya mutwe w’ihene cyangwa se uw’intama wabonye, yagejejwe kwa muganga, twabanje guhamagara ambulance bamuha ubutabazi bw’ibanze, gusa nyuma baje kumujyana kwa muganga”.

Abenshi mu baturage bari aha, bumvikanaga bavuga ko ibyabaye bidasanzwe, ari nayo mpamvu basabaga ubuyobozi bwabo kwinjira muri iki kibazo, hakamenyekana ukuri koko niba ubu burwayi bw’uyu muturage intandaro yabwo ari uku jugugunya agahanga k’ihene. Ni amakuru dukesha TV1 ku muyoboro bwa Youtube.

Niba ukunda gusoma inkuru z’uruhererekane zirimo ubutumwa ndetse z’amateka, urukundo n’ubuzima, kuri uru rubuga rwacu twatangiye inkuru IBANGO RY’IBANGA: Uko amaraso yacu yabaye umusozi w’amaganya muri menu y’inkuru ndende. Tangirana nayo utazasigara.

Imana ibahe umugisha, turabakunda cyane.