Umunyamabanga mukuru w’umuryango w’ibihugu bigize Afurika y’Iburasirazuba EAC, Peter Mathuki, aravuga ko Somalia ikomeje gutera intambwe ishimishije iyiganisha ku kuba umunyamuryango mushya wa EAC. Ni mu gihe ibiganiro byo kwinjiza Somalia muri EAC birimbanije kuburyo ishobora kutarenze uyu mwaka.

Ubunyamabanga bwa EAC, mu butumire bwahaye abanyamakuru, buvuga ko akanama k’abaminisitiri ba EAC kagomba guterana kuwa kabiri tariki 22 Kanama kugera ku ya 5 Nzeri 2023 kugira ngo kige ku ngingo yo kwemera Somalia nk’umunyamuryango mushya. Ibizava muri ako kanama bizashyikirizwa abakuru b’ibihugu bazaha ikaze Somalia muri uyu muryango.