Titi Brown wari umaze imyaka 2 afungiye muri gereza ya Nyarugenge izwi nka Mageragere, ku wa Gatanu tariki ya 10 Ugushyingo 2023, saa yine n’igice za mugitondo nibwo Urukiko rwisumbuye rwa Nyarugenge rwategetse ko Titi Brown ahita afungurwa akimara gusomerwa.

Nyuma y’uko hashize ukwezi afunguwe agiye gusubizwa imbere y’Urukiko, ibi bije nyuma y’aho Ubushinjacyaha bwongeye kujurira mu rubanza rwa Titi Brown ukekwaho gusambanya umwana utaruzuza imyaka y’ubukure, Urubanza rwa Titi Brown rwasubitswe inshuro zirenga 6 bibabaza benshi nuko byavuzwe ko abamufungishije bashakaga kumuheza muri gereza.

Titi Brown yatawe muri yombi tariki 10 Ugushyingo 2021, habura iminsi 3 nga abyinire muri BK Arena mu gitaramo cyari cyazanye Omah Lay wataramiye abanyamujyi ku itariki 13 Ugushyingo 2021. Aho yari yafunzwe akurikiranyweho gusambanya umwana utaruzuza imyaka anamutera inda, gusa inda yaje gukurwamo. Mu iperereza hafashwe ibizamini ariko bigaragaza ko Atari we wateye inda uyu mukobwa.