Umugabo w’imyaka 28 y’amavuko wo mu gihugu cya Kenya witwa Mechack Nyambane, yatunguye abantu ubwo babonaga atashye iwe mu rugo nyuma y’amezi abiri bari bamaze bamushyinguye. Bivugwa ko uyu mugabo yafashwe na polisi yo muri iki gihugu kuwa 14 mutarama yanyuranyije n’amategeko y’umuhanda akatirwa gufungwa amezi abiri.

Nyuma umuryango w’uyu mugabo waramushakishije uramubura, baza kubona amakuru ko hari umurambo polisi yatoraguye w’umugabo watewe icyuma, muri ruhurura. Nyuma nibwo mukuru w’uyu mugabo yageze ku bitaro yemeza ko bavukana bamujyana batyo. Kuri uyu wa 24 werurwe 2023 abaturage batunguwe no kubona uyu mugabo ari kwigendera muri karitsiye baza guhurura bareba uwo bari bazi ko yapfuye. Uyu mugabo yemeje ko yari afungiye kuri polisi akaba amaze amezi abiri muri gereza.  Polisi yo muri iki gihugu yakanguriye abantu gushishoza kuko hari igihe usanga abantu bashyinguye abatari ababo. src: Rubanda