ANDERSON ni umugabo w’imyaka 35, utuye muri Tanzania ariko akaba akomeje gutangaza abantu benshi kubera ijwi rye nk’iryabana ndetse umurebye no mu maso yifata nk’abana batoya.

Anderson avuga ko akiri mutoya yavugaga ijwi nk’iry’abantu bakuru ariko uko agenda akura rikagenda rigabanuka, ariko ngo ahanini byatewe n’uko mu bwana bwe yari afite ijwi rinini noneho abana bakajya bamutinya.

Ngo nibwo rero yatangiye kwitoza kuvuga ijwi ritoya kugeza abigezeho ariko bihita bimukurikirana k’uburyo kongera kugarura ijwi ry’abantu bakuru byamunaniye burundu.

Benshi bakomeza gutungurwa n’imico y’uyu mugabo kubera ko arwanira gukora ibyo abana bakora, ndetse akitwara nk’abana aho yita umugore we nyina, ibyo bikaba bituma abantu bakunda kuvuga afite imyuka mibi.

ANDERSON yashakanye na Christine bakaba bamaranye imyaka 7 aho babyaranye abana babiri, ariko igitangaje nuko ahora arwanira n’abana be gukora nk’ibyo bakora ndetse ukaba utabona itandukaniro ryabo nawe uretse imyaka gusa.