Umugabo ari kwirukanka ku buryo bumworoheye bwo gupimisha DNA ku mwana we n’umugore we baherutse kwibaruka, nyuma y’uko aherutse kujya ku kazi gusura umugore we, yakubita amaso boss w’umugore we agatungurwa no kubona asa neza n’uruhinja baherutse kwibaruka.

Uyu mugabo wo mu gihugu cya Nijeriya ukoresha amazina ya XBrianDennis ku rubuga rwa twiter, yatangaje ko ubwo aherutse kujya gusura umugore we ku kazi, yabonye sebuja w’umugore we abona afite mu maso hasa neza neza n’umwana baherutse kwibaruka, bituma agira amakenga yo kumenya niba umwana baherutse kwibaruka koko ari uwe.

Yanditse kuri twitter ubutumwa bugira buti “nagiye ku biro aho umugore wanjye akorera ku wa gatanu, nabonye neza boss asa n’umukobwa wnjye, nahise nibaza nti kuki uwo mwana wanjye adasa nanjye cyangwa ngo ase na nyina? Umugore wanjye arashaka kundindagiza, isura y’uwo mwana ntabwo isa n’iyanjye.”

Uwo mugabo yatangiye kubaza abantu ngo bamurangire ahantu ashobora gukoreshereza serivisi zo gupimisha DNA kugira ngo amenye neza ukuri kuri uwo mwana udasa na we ahubwo agasa na boss w’umugore we, aho abamukurikira kuri twitter bahise bamurangira mu murwa mukuru wa Abija ko bafite ibiciro bya NDA bihendutse.