Mu gihugu cya Kenya umugabo yasambanyije umwana we w’imyaka 3 umugore we aho gutanga ikirego ahubwo ahitamo kujya mu rusengero ngo amusengere yirukana imyuka mibi imurimo. Uyu mugabo yakoze ayo mahano ubwo yozaga uyu mwana we nyuma aramusambanya.    Umupasiteri ukurikiranweho ubwambuzi yasabye urukiko ko yaba igitambo kubera pasika

Umugore we kubimenya yabonye umwana atameze neza agenda nabi, abaza umwana icyo yaba aramubwira. Nyirarume w’uyu mwana yatangaje ko uwo mwana atajyanywe kwa muganga, ngo kuko nyina yabyanze mu rwego rwo kwirinda ko hamenyekana icyamubayeho, bigatuma umugabo afungwa kandi byaba intandaro yo gutuma imibereho yabo imera nabi.

Uwo mugore yahisemo kujya mu rusengero kwirukana imyuka mibi iri mu mugabo kugira ngo imuvemo kuko ari satani wabimuteye. Ku wa 31 werurwe mu ntara ya Mombasa, ubwo uyu mugore yaganiraga n’igitangazamakuru K24 yavuze ko yabyaye bamubaze byamuteye ubumuga kuburyo nta kintu abasha kwikorera.

Yavuze ko rero umugabo we aramutse afunzwe bakwicwa n’inzara kubera ko nta muntu w’undi uhari wo guhahira urugo. Kugeza n’ubu umwana wabo ntago arajyanwa kwa muganga ngo abone ubuvuzi ndetse yewe n’uyu mugabo akaba n’umubyeyi we ntago aragezwa imbere y’ubutabera.