Ubushinjacyaha ku rwego rwisumbuye rwa Huye, bukurikiranye umugabo w’imyaka 28 ukekwaho gutwika umugore w’imyaka 40 bananaga n’umwana wabo w’umwaka n’igice abasutseho ibiryo byari kuzi ko. Byabaye tariki 27 Gicurasi 2023 mu mudugudu wa Nyabitare, akagali ka Bugari, Umurenge wa Ntyazo mu karere ka Nyanza aho umugore yari yarahungiye uyu mugabo kubera amakimbirane.

Ubwo yabazwaga, ukekwa yavuze ko yamusutseho ibiryo yari atetse agashya we n’umwana yari akikiye, nyuma yo gutongana bapfuye ko umugore yanze gusubira mu rugo aho babanaga.

Iki cyaha cyo gukomeretsa ku bushake akurikiranweho kiramutse kimuhamye yahanishwa igifungo kigera ku myaka 15, nk’uko biteganwa n’ingingo ya 121 y’itegeko numero 68/2018 ryo kuwa 30/08/2018 riteganya ibyaha n’ibihano muri rusange.