Umugabo witwa Habakubaho Emmanuel, yagiye kuvurirwa mu Bitaro bya Kibungo biri mu Karere ka Ngomba, nyuma y’uko anyoye umuti wica udukoko (Tiyoda) amaze kwica umugore we witwa Muhawenimana Placidie wari ufite imyaka 39. https://imirasiretv.com/perezida-paul-kagame-na-tshisekedi-baganiriye-na-perezida-wa-angola/

Amakuru avuga ko uyu mugabo w’imyaka 34 y’amavuko, atuye mu Mudugudu wa Mibirizi mu Kagari ka Cyerwa mu Murenge wa Gashanda mu Karere ka Ngoma, ndetse ngo ibi byabaye mu ijoro ryo ku wa Gatatu rishyira ku wa Kane tariki ya 1 Kanama 2024.

Abaturage batanga amakuru bavuze ko uwo mugabo n’umugore bari bafitanye ibibazo by’amakimbirane ashingiye ku butaka. Bivugwa ko nyuma yo gutemagura umugore we babyaranye abana batatu, na we yagerageje kwiyahura akoresheje umuti wica udukoko (Tiyoda) ariko ntapfe.

Mu kumukorera ubutabazi yahise yihutanwa, ajyanwa kuvurirwa mu Bitaro bya Kibungo. Kuri ubu umurambo wa nyakwigendera wajyanwe gukorerwa isuzuma mu bitaro bikuru bya Kibungo. https://imirasiretv.com/itorero-rikomeye-mu-rwanda-ryahagaritswe-rishinjwa-gucamo-ibice-no-kubiba-amacakubiri-namakimbirane-ahoraho-mu-bakiristo/