Umugabo utaramenyekana imyirondoro yagerageje kwiyahura mu mugezi wa Nyabugogo mu Karere ka Nyarugenge, abaturage bamutabara hakiri kare. Ahagana saa sita n’igice zo kuri uyu wa Gatatu tariki ya 8 Werurwe 2023 nibwo uyu mugabo agerageje kwiyahura mu mugezi wa Nyabugogo hafi y’ikiraro gitandukanya Akarere ka Nyarugenge n’aka Gasabo.  Umwana w’umukobwa w’imyaka 15 yakuyemo inda umwana amushyingura mu murima.

Nubwo uyu mugabo yarohorowe, abamubonye bavuze ko bari biriwe bamubona muri Gare ya Nyabugogo ari ari kugenda ahunga inzego z’umutekano. Uzabakiriho Théogene wakuye uyu mugabo mu mazi, yavuze ko yafashe icyo cyemezo nyuma y’uko yari amaze kubona ko akiri guhumeka.

Yagize ati “Ntabwo namubonye yiyahura ahubwo naciye aha abantu baramunyereka aryamye mu mazi, mbonye ko agihumeka nibwo nayinjiyemo noneho polisi ije isaba abandi kumfasha tumukuramo.” Uyu mugabo amaze gukurwa mu mugezi wa Nyabarongo, yahise ajyanwa kwa muganga ngo yitabweho. Src: igihe