Umugore witwa Nadio Manjubo yatawe muri yombi na polisi nyuma y’uko ashinjwe kuba yarishe umwana we w’amezi ane witwa Angelo Buga bivugwa ko yaciyemo ibice, akamushyira mu isafuriya akamuteka nyuma yo kumva ashaka kurya inyama. Uyu mugore atuye mu mudugudu wa Chamanikuwa, ahitwa Yayari mu karere ka Yumbe mu gihugu cya Uganda.

Umuvugizi wa polisi ya Uganda, SCP Enanga Fred yavuze ko uyu mugore yagejejwe mu rukiko kuri uyu wa gatanu w’icyumweru gishize, aza kwisobanura kuri uyu wa 25 Nyakanga. SCP Enanga yavuze ko uyu mugore akurikiranweho kuba yarakasemo ibice umwana we akamushyira mu isafuriya akamuteka nyuma yo kumva akumbuye kurya inyama.

Yaboneyeho kubwira abantu batuye muri ako gace kuba maso kuko ababyeyi baho batakigira ubumuntu nk’uko byahoze. Ntabwo harashira icyumweru muri ako gace kandi, umugabo ukomoka muri Isiraheri atawe muri yombi nyuma yo kwica umugore we biturutse ku kuba yari avuye gupimisha umwana byitwa ko babyaranye agasanga Atari uwe.