Umugore witwa Nancy Mudau w’imyaka 35 y’amavuko utuye ahitwa Nzhelele, Limpopo muri afurika y’epfo yafashwe arafungwa nyuma y’uko hamenyekanye ko amaze imyaka 12 yakira amafaranga y’indezo y’umwana we atangwa n’abagabo 8 bose buri mugabo yizera ko umwana ari uwe.

Ibinyamakuru bitandukanye byatangaje iyi nkuru birimo Flying news na Kenya-post.com, byatangaje ko ayo mafaranga Nancy yakiraga yayakoresheje yiyubakira inzu nziza igezweho. Ngo ubwo yafatwaga basanze ahugiye mu kubaka akabari ko gucururizamo inzoga kuko inzu yo yari yaruzuye.

Nancy yakiraga ayo mafaranga yose mu myaka 12 byitwa ko ari ayo gutunga umwana no kumwishyurira ishuri, gusa we ngo yayakoresheje mu kwiyubakira inzu igezweho no kubaka akabari.