Umugore witwa Stormy Daniels ushinja uwahoze ari perezida wa leta zunze ubumwe za Amerika Donald Trump ko baryamanye kuri ubu bikaba bimugejeje mu nkiko, yatangaje ko adashaka ko uyu mugabo afungwa nk’uko ubushinjacyaha bwo bubimusabira.

Trump ari mu nkiko akurikiranweho guha uyu mugore Daniels akayabo k’amadorari menshi ariko ntabimenyekanishe, bivugwa ko aba bombi baba bararyamanye mu 2006. Ayo mafranga yishyuwe uyu mugore wahoze ari umukinnyi wa filime z’urukozasoni bivugwa ko yari ayo kugira ngo atazavuga ko yaryamye na Trump mu gihe yiyamamarizaga kuba perezida.

Iki cyaha Trump ashinjwa cyo guhimba inyandiko mpimbano kiramutse kimuhamye yafungwa imyaka iri hejuru ya 100. Uyu mugore yavuze ko adatekereza ko ibyaha Trump akurikiranweho kubera we ari ibyo kumufungisha. Ko wenda niba hari ibindi byaha yakoze aribyo byamufungisha.