Ni mu kiganiro gikakaye cyane umugore wa Uwihoreye Jean Bosco Mustafa uzwi ku izina Ndimbati yagiranye na Junior ukorera ku muyoboro wa Youtube 5GUYS TV aho uyu munyamakuru yari yamusuye ngo amuganirize ku buzima abayemo muri iki gihe umugabo we Ndimbati afungiwe muri gereza ya Mageragere.

Amubaza uko ubuzima bumeze muri iyi minsi abigereranije nuko byari bimeze umugabo atarafungwa haba kuri we ndetse na Ndimbati kimwe n’umuryango muri rusange, umugore wa Ndimbati yavuze ko muri rusange bameze neza. Yavuze ko ariko hataburamo icyuho kuko ni ibintu bisaba kubanza kwakira ubuzima no kwisuganya, kuri we akaba yaramaze kwiyakira muri icyo gihombo, naho kuri Ndimbati we avuga ko nubwo kuri video yavuze ko ameze neza nawe ni kwakundi umuntu aba yariyakiriye ariko burya aho waba uri hose iyo utarwaye uba umeze neza muri rusange.

Yavuze ko icyakora kuba ari mu rugo wenyine bigira uko bimubangamira cyane ko abana baba bagiye ku ishuri, ariko iyo agize ibitekerezo byinshi cyane ashaka uko ava murugo akajya muturimo cyangwa se akaganira n’abandi. Bamubajije ku kuntu yagaragaye ari guhamagara Kabahizi Fridaus umukobwa Ndimbati yabyaranye nawe, mu gihe abantu batekerezaga ko ahubwo azamurakarira, umugore wa ndimbati yavuze ko burya n’Imana ubwayo idutegeka gukunda abanzi bacu, uretse ko Atari umwanzi we ahubwo n’ibyabaye kuri we na Ndimbati byanga byakunda ari umugambi Imana iba yaragenye kugira ngo hazagire ikintu kiba.

Umugore wa ndimbati bamubajije ku kijyanye no kumusura, cyane ko hari amakuru yavuzwe kandi yemewe 100 kurindi ko mu bantu bose havuyemo umuryango we, abo bahoranaga, abo bakinanaga n’inshuti muri rusange, ngo umuntu wagiye gusura Ndimbati I Mageragere ni umukobwa witwa FOFO bakinana muri papa sava, umugore wa Ndimbati yavuze ko ubusanzwe kujya gusura hariya hantu nawe ubwe bimugoye, kandi kujya gusura ugiyeyo nubwo ari ngombwa ariko sibwo buryo gusa buhari, cyane ko umuntu uri hariya aba anakeneye n’amafranga kugira ngo anabone uko abaho, bityo abatamusura bagiyeyo bakoresha ubundi buryo kandi yumva nta kibazo.

Bamubajije kubyo agenda yumva ku mbuga nkoranyambaga bivugwa ku mugabo we, mu gihe batararangiza no kumubaza ikibazo yahise avugira hejuru avuga ko yababajwe cyane n’umusore witwa BAHATI uririmba mu itsinda rya Just family. Mu minsi yashize uyu bahati twabagejejeho inkuru y’uburyo yavuze ko yagiye gusura Fridaus akamubwira ukuntu ndimbati yari yaramuteye ubwoba amubwira ko naramuka avuze ntacyo bizatanga ngo kuko Ndimbati ari icyamamare ntawamufunga.

Umugore wa ndimbati yavuze ko yababajwe cyane n’ukuntu mu bantu bose bashobora gukinira ndimbati ku mubyimba uyu Bahati yaba arimo, ati” buriya naratunguwe cyane ndetse mu busanzwe sinjya ndakara cyangwa ngo mbabare ariko Bahati yarambabaje. Uyu Bahati azibuke ukuntu we na bagenzi be baririmbaga muri Just family banyitaga mama Jasta, ntago ndavuga impamvu ariko bo barayizi, gusa azumve ko nababaye”.

Umugore wa ndimbati yakomeje avuga ko buriya abantu bigize abacamanza, bagomba kumenya ko aho turi Satani ashobora kuhamasha umwambi ukahageraa, akomeza atanga urugero ubwo kubwa Yesu hari umugore bari bashinjije ubusambanyi, maze Yesu akababaza niba muri bo hari uwamutera ibuye kubera ko ataracumura, mu kubika umutwe igihe gito Yesu yongera kuwubura asanga abantu bose bagiye, bityo rero na Ndimbati impamvu biriya bye byamenyekanye nuko we na Fridaus banyaranye, kuko iyo batabyarana ntago byari kumenyekana, kubw’iyo mpamvu na Bahati nawe ntago ari intungane, kuburyo baramutse bavuze ko utarakoze amakosa nkaya Ndimbati amutere ibuye, hari igihe Bahati yaba atarimo.

Akivuga kubantu bigize abacamanza kubera ibyaha n’amakosa y’abantu, yahise atunga agatoki kuri Mutabazi, ati” uriya mugabo ngo ni Mutabazi kuva bafunga Ndimbati, Bamporiki ndetse n’uriya musore wundi, Prince kid, ntago nzi impamvu akunda kubacira imanza cyane”. Yakomeje avuga ko ubundi imanza zagakwiye gucibwa n’ababyigiye ku bubasha bwabo icyaha cyabahama bagahanwa, ariko kugenda wirirwa uvugavuga ntago ari indangagaciro ku mugabo.

Yakomeje avuga ko Mutabazi ashatse yakwitonda kuko iyi si idasakaye kuko nawe mubyo akora byose ntago ari shyashya, kandi igihe cye kigeze nawe akaba iciro ry’imigani nibwo yamenya ko kuvuga undi Atari umwuga wagakwiye gushimisha umugabo. Asoza avuga ko ari gushimira cyane abantu bamuba hafi bakanamuha ubufasha ku bijyanye n’amafranga ngo asure umugabo we, kandi anavuga ko Ndimbati Atari we munyabyaha wenyine uri hano ku isi kuburyo yagakwiye kuba iciro ry’imigani ku bantu bose.

DORE INKURU Y’IBYO BAHATI YAVUZE KURI NDIMBATI

“Fridaus bamubwiye ko bazamwica, Ndimbati niwe wifungishije ntago ari Fridaus wamufungishije”. Avuye gusura Fridaus watewe inda na Ndimbati amubwira ukuri kose.