Kuri uyu wa 22-23 Nyakanga 2023 I Muhanga, hateganijwe igiterane cy’ububyutse cyateguwe na Evangeliste Uwase Egidie usanzwe uba muri Canada, akaba yaratumiye umugore wa pst Theogene Niyonshuti Inzahuke, Uwanyana Assia. Ni nyuma y’uko iki giterane cyari cyaratumiwemo nyakwigendera Niyonshuti mbere y’uko yitaba Imana, ariko igihe kikaba kigiye kugera atakiri ku isi.

Ev. Uwase yavuze ko impamvu yatumiye Uwanyana Assiya ari uko mbere y’uko umugabo we yitaba Imana yakundaga kumvikana avuga ko abantu batazatungurwa nibabona umugore we yinjiye mu ivugabutumwa. Iki giterane kandi kizaberamo umuhango wo kunamira Niyonshuti Theogene.

Iki giterane kizabera I Muhanga kuri EAR Gitarama cyatumiwemo abavugabutumwa batandukanye, ndetse n’umuhanzi w’indirimbo zo kuramya Imana Theo Bosebabireba, kikaba cyarateguwe na Ev. Uwase Egidie usanzwe aba muri Canada.