Nyuma y’uko Eliud Wekesa uzwi nka Yesu muri Kenya atawe muri yombi, umugore we Nabii Benjamin arataka inzara, avuga ko we n’umuryango we bamerewe nani bityo asaba ko umugabo we yafungurwa. Yavuze ko kuva umugabo we yajyanwa mu gihome ubuzima bubakomereye kubera ko ari we wabagaburiraga, kugeza ubu akaba aboshywe kuko atabona aho akura gutungisha abana be, inzara ikaba yenda kubica kubera ko ari umukene.

Uyu mugore yakomeje avuga ko umwana we w’umuhungu yasohowe mu nzu hafi y’aho yiga kubera kubura ubwishyu. Ati “Umuhungu wanjye wiga I Kiambu, bamwirukanye mu nzu kuko adafite amafaranga yishyura. Se yafunzwe na polisi, none nkore iki?”

Uyu mugore yakomeje asaba perezida wa Kenya ko yamukemurira ikibazo kubera ko abana be 8 bose ari we ugomba kubitaho, ndetse yewe bakaba batanacyiga kubera ko nta mafaranga yo kwishyura. Yesu yatawe muri yombi kuwa 11 gicurasi 2023, akurikiranweho ibyaha byo gushaka indonke mu bayoboke no kugumura abantu cyane cyane abana bato aho bamwe bari baravuye mu ishuri.