Umugore witwa Brooke Withington w’imyaka 28 ukomoka mu gihugu cya Australia yatangaje ko groupe ya facebook yamufashije gukabya inzozi ze yari yarifuje kuva kera kuko yabyaye abana batanu bitamusabye kuryamana n’abagabo. Ashimira faceboo, Brooke yashimiye groupe ya facebook yagiyemo yitwa Orthodox aho yahuriye n’umugiraneza akamuha intanga ze byatumye abyara abana batanu nk’uko yahoze abyifuza.

Asobanura igikorwa cyose uko cyagenze, Brooke yatangaje ko ubwo yinjiraga muri iyo groupe ya facebook akabona umwemerera kumuha intanga ze, bafashe icyumba cyo muri hotel noneho uwo mugabo akoresha uburyo bwose bushoboka ararangiza maze amuha intanga. Yavuze ko akimara kubona ayo masohoro yumvise n’ubundi nta cyizere, ariko nyuma yo kuyinjiza mu gitsina cye atungurwa no kubona atwite.

Yakomeje avuga ko yatunguwe no kubona atwite na nyuma akabyara, ibyahoze ari inzozi ze zo mu bwana. Yakomeje avuga ko kuva afite imyaka 8 yahoraga arota kuzagira umuryango mugari, ndetse ubuzima bwe buza guhinduka muri 2014 ubwo yabyaraga umwana wa mbere afite imyaka 19. Yakurikijeho umwana wa kabiri mu mwaka wa 2016, muri 2018 abyara uwa gatatu wari umukobwa wa mbere aho yatangaje ko yamubyaranye n’umuyapani w’inshuti ye bamenyanye acyiga.

Brooke yabwiye ikinyamakuru Dail mail ko aba bana bose yababyaranye n’abagabo bagiye bahurira muri iyo groupe ya facebook bakamuha amasohoro y abo ubundi akibaruka kuburyo iyo ataza guhura na bo Atari kuba afite umuryango mugari kuri ubu. Iyi nkuru ya Brooke yanakozwemo inkuru mbarankuru mu mashusho y’iminota angana n’isaha n’igice agaragaza ubuzima bw’uyu mugore abanyemo n’aba bana aho yacishijwe mu kinyamakuru Gold Coast nk’uko InyaRwanda dukesha iyi nkuru babitangaje.