Umugore wari wagiye mu bukerarugendo mu Mujyi wa Florence mu gihugu cy’u Butaliyani, akomeje gusabirwa igihano gikomeye n’abaturage nyuma y’uko afashwe amashusho ari gusambanya ku gahato igishushanyo kizwi ku izina rya Bacchus giherereye muri uyu Mujyi, kizwiho gukurura ba mukerarugendo bavuye hijya no hino ku Isi.

Abantu bafashe amafoto n’amashusho y’uyu mugore ndetse n’abayarebye ku mbuga nkoranyambaga bakomeje kumirwa kuko ibi ari ibintu bidasanzwe ndetse uyu mugore akaba yarakoze ibishoboka byose akagisambanya mu buryo bwose n’ubwo hari imbaga y’abantu bamurangariye. Uyu mugore kandi yagisomye cyane ibikorwa bikomeje gufatwa nko kwangiza umuco ku bushake.

Iki kibumba giherereye mu Mujyi wa Florence cyakozwe na Giambologba aho uyu mukerarugendo utari wamenyekana yakoreye aya marorerwa, aho yahagaze imbere yacyo asa n’ucyikubaho, arongera asa n’urimo kucyurira ariko mu buryo busa no kugisambanya kugahato kuko wabonaga acyisunikiraho cyane.

Aya mashusho akomej gusakra hose akomeje kurakaza Abataliyani, aho abenshi barimo gusabira igihano gikomeye uyu mukobwa ngo ahanwe mu buryo bwiswe ‘Zero Tolerance’, kugira ngo n’undi wese amukureho isomo ngo na cyane ko iki gishushanyo ari kimwe mu biranga umuco kigakurura n’aba mukerarugendo muri iki gihugu.

Uwitwa Patrizia Asproni uturuka mu muryango wa Curtural Heritage Organization avuga ko muri Florence hakunze kugaragara ba mukerarugendo batubaha umuco waho bityo ngo Leta ikaba isabwa kugira icyo ikora nk’isomo.

Umuyobozi wa Police muri aka gace witwa Antonella Ranaldi, yemeje ko bakeneye ba Mukerarugendo ariko bubaha umuco wabo. Yagize ati “Ba Mukerarugendo bahawe ikaze rwose ariko na none bakwiriye kubaha ibibumbano byacu byaba ari ibyanyabyo cyangwa ibyiganano ariko ntidushaka abo kwica umuco wacu.”