Umugore yakubise umugabo we amuziza ko yashatse undi mugore akamujyana mu rugo rwabo. Ni mu mudugudu wa Tekero, akagari ka Kamuhoza Umurenge wa Kimisagara mu karere ka Nyarugenge, aho umugore yakubise umugabo we kakahava.

Amakuru avuga ko uru rugo rusanzwe ruba mu makimbirane kandi bakaba babana batarasezeranye. Sibomana Josephine, umunyamabanga nshingwabikorwa w’akagali ka Kamuhoza yavuze ko uwo mugore n’umugabo bafitanye abana batatu, gusa bagahora mu makimbirane kuko bahora bajya kubakiza, bakaba bari baranabasabye ko buri wese yajya ukwe kugira ngo batazicana.

Gitifu Sibomana yakomeje avuga ko umugore amaze kumenya ko umugabo we yazanye undi mugore mu kindi cyumba yabagamo, yamusanzemo atangira kumukubita, gusa ubuyobozi bw’umudugudu bwagiyeyo burabafasha. Yakomeje avuga ko uwo muryango bawohereje kuri RIB ya Kimisagara kugira ngo batazicana, anemeza ko uwo mugore wa kabiri na we yamaze kuva muri urwo rugo.

SRC:Igihe