Umugore w’imyaka 36 y’amavuko wo mu karere ka Bugesera yishwe akubitishijwe igitiyo mu mutwe hatabwa muri yombi abagabo babiri. Ni mu murenge wa Rilima mu kagali ka Kabeza mu mudugudu wa Mareba.

Aba bagabo batawe muri yombi kuwa 5 Ukwakira 2023 nyuma y’uko nyakwigendera yasanze umuntu mu nzu yabagamo bararwana amukubita igitiyo mu mutwe undi ahita apfa. Gitifu w’umurenge wa Rilima, Sebarundi Euphrem avuga ko hatahise hamenyekana uwishe uwo mugore ariko iperereza ry’ibanze ryaguye kuri abo bagabo babiri barimo uwo baturanye n’undi bafitanye ibibazo by’amakimbirane.

Yakomeje avuga ko iperereza rigikomeje ngo hamenyekane uwishe uwo mugore n’icyo yamuhoye. Uyu mugore yabanaga n’abana be babiri kuko yari yaratandukanye n’umugabo we.