Dukuzimana Ignace Umuhanzi Bruce melody kuri ubu uri no kubarizwa I Lagos muri Nigeria, amaze iminsi yatswaho umuriro abwira ko afatanya na bagenzi be maze bagakoresha amafranga mu gusebya abandi bahanzi bamuri hejuru. Uyu muhanzi ukunzwe cyane mu Rwanda muri iki gihe abinyujije ku rukuta rwe rwa twitter, yashyizeho ifoto ari kuri MTV base west maze arenzaho amagambo agira ati “dore ngaha aho tugeze twice umuziki nyarwanda!” Intandaro nyamukuru yo kurebana ay’ingwe hagati ya Coach Gaelle na Madebeats bahoze ari inshuti magara
Ni ijambo rimeze nko kwishongora kubamaze iminsi bamushinja kuba afatanya na Coach Gaelle bagakoresha amafranga mu gusebya abahanzi bakuru kuri we nak The Ben na Meddy. Abamuvugaga bavugaga ko ashaka kubanza gusebya amazina y’aba bahanzi kugira ngo nibajya hasi izina rye rizamukire aho ngaho.
Banashinjaga kandi Coach Gaelle gushora amafaranga mu bakoresha imbugankoranyambaga ngo basebye The Ben, ariko yaba Bruce Melody na Coach Gaelle bakorana muri 1:55 AM Ltd barabihakana, gusa umu producer wahoze ari n’inshuti ye Coacg Gaelle, Madebeats arabibashinja abihamya.
Kuri ubu Bruce Melody ari kubarizwa I Lagos aho yakiriwe na Dj Neptune akaba akomeje n’ibindi bikorwa birimo gusura MTV base west. Si ibyo gusa kuko no mu ijoro ryo kuwa 21 mata 2023 Bruce melody wajyanye na Coach Gaelle na Element, yitabiriye igitaramo cyo kumurika indirimbo ya Dj Neptine na Spyro bise ‘count your blessings’.
Dore ngaha aho tugeze twica umuziki nyarwanda 😠#whyhate #155AM #igitangaza pic.twitter.com/eup9Ff7Tze
— Bruce Melodie (@BruceMelodie) April 22, 2023
Dukuzimana Ignace 