Ngabo Medard Jobert wamenyekanye nka Meddy mu muziki nyarwanda, yatangaje ko hatagize igihinduka yazitabira ubukwe bwa The Ben na Pamelle Uwicyeza. Meddy wamaze kwiyegurira indirimbo zo guhimbaza Imana, yatangaje ko amaze igihe aganira na The Ben kugi gahunda z’ubukwe bwe na Pamella. Meddy yari anahari ubwo aba bombi basezeranaga mu murenge.

Yabwiye Radiotv10 ko agiye kugaruka I Kigali ndetse ko kimwe mu bizaba bimuzanye harimo ubukwe bwa The Ben na Pamella. Icyakora nubwo amatariki y’ubu bukwe ataramenyekana, aba hafi y’aba bombi bavuga ko bushobora kuzaba mu mpera z’uyu mwaka.

The Ben yitabiriye ubukwe bwa Meddy na Mimi bwabereye muri Leta zunze ubumwe z’Amerika muri Gicurasi 2021. Kuwa 31 Kanama 2022 nibwo The Ben na Pamella basezeranye mu murenge byemewe n’amategeko nyuma y’uko mu Ukwakira 2021 The Ben yari yamwambitse impeta amusaba kuzamubera umugore arabimwemerera.

Urukundo rw’aba bombi rwatangiye kuvugwa muri 2019. The Ben aherutse guha umukunzi we Pamella imodoka yo mu bwoko bwa Ranger Rover, kuri ubu bakaba bari kumwe I Bujumbura aho The Ben ategerejwe mu bitaramo bibiri byo kuri uyu wa 30 Nzeri ndetse na Ukwakira 01, 2023.