Umuhanzi Michael Adebayo Olayinka uzwi ku izina Ruger wo mu gihugu cya Nigeria ubwo yari mu kiganiro kitwa” The Zero Conditions Podcast” yatunguye abantu ubwo yavugaga ubwoko bw’abagabo abagore bakunda. Yagize ati” buriya rero abagore bakunda abagabo bameze nk’uburozi cyane ni uko mutabizi cyangwa se bagorana”.

Ruger yakomeje avuga ko kandi nawe yigeze kuba nk’uburozi ku mukunzi we bakundanye ati”nange nigeze kuba nk’uburozi ubwo twakundanaga ,kuburyo amakosa yose yabaga mu rukundo rwacu yabaga yatewe nange”. Uyu muhanzi kandi yakomeje avugako hari amashusho yigeze kubona ahantu akamutera kwibaza ku bakobwa cyane.

Ati”nabonye amashusho babaza abakobwa bati’ ni ikihe kintu kirenze cyangwa kimeze nk’uburozi ukunda mu buzima bwawe? Umukobwa umwe yarasubije ati’ nkunda cyane iyo umugabo cyangwa umusore turi mu Rukundo ari kungora tukongera tukiyunga,cyangwa ari kuntonganya cyane dusa nkabashwanye; aya magambo yaba bakokwa atuma hari ibintu binshi ntasobanukirwa kugeza na n’ubu”

Ruger yakomeje avuga ko abakobwa cyangwa se abagore bakunda kandi banakururwa n’ubwoko bw’abagabo bameze nk’uburozi cyangwa bagorana iyo bari mu Rukundo. Ati “ndababwira ukuri ko abakobwa bakunda abagabo bameze nk’uburozi kurusha abagabo bitonda.

Uyu musore akomeza avuga ko byose biterwa n’imyaka barimo ati” ariko biterwa n’igihe cyangwa se aho umubano wabo uri,abakobwa bakunda abagabo bagorana mu Rukundo iyo bari guteretana, ariko mu gihe cyo kubana umukobwa aba ashaka umugabo woroshye cyangwa witonda.

Ruger watangaje ibi akaba ari umuhanzi ukomoka mu gihugu cya Nigeria ni umwe mu bahanzi bakiri bato kandi bari kuzamuka neza akaba yaramenyekanye mu ndirimbo nyinshi harimo nka Girlfriend, Bounce, Asiwaju nizindi nyinshi.