Polisi yo mu gihugu cy’u Bufaransa yatangaje ko kuri uyu wa Gatanu tariki 9 Kanama 2024, yataye muri yombi Umunyamerika w’umuraperi Jacques Webster wamenyekanye nka Travis Scott, nyuma yo kurwanira n’umurinzi we bwite muri Hoteli izwi nka Georges V Hotel. https://imirasiretv.com/umwana-wimyaka-16-ari-mu-munyenga-wurukundo-numukobwa-umurusha-imyaka-10-amafoto/

Uyu muraperi yatawe muri yombi kubera ihohoterwa yakoreye ushinzwe umutekano muri iriya hoteli, nyuma y’uko yari agerageje gukiza imirwano ye n’ushinzwe kumurindira umutekano. Abatanze amakuru bavuze ko iyi mirwano ijya gutangira byatewe n’uku uyu muhanzi yari yasinze. Travis Scott ari i Paris, aho yagiye gukurikirana imikino ya basketball igihugu cye cyitabiriye mu Mikino Olempike ya 2024.

Scott ni umwe mu baraperi bakunzwe ku Isi, dore ko yigeze no kuyobora urutonde rwa Billboard Hot 100 rw’indirimbo ijana zikunzwe n’indirimbo ze nka ‘Sicko Mode’, ‘Highest in The Room’, ‘The Scotts’ na ‘Franchise.’ Uyu muhanzi w’imyaka 33 y’amavuko, yagaragaye mu mukino Amerika yatsinzemo Serbia mu mukino wa kimwe cya kabiri cy’umukino wa Basketball mu bagabo mu Mikino Olempike.

Mu 2021, Scott yamamaye ku rwego mpuzamahanga nyuma y’uko abantu 10 bapfiriye mu mubyigano wabaye mu iserukiramuco ry’umuziki rya Astroworld yateguye i Houston, muri Texas. Ibi byabaye mu gihe Scott yari kuri stage. Uyu muhanzi kandi Yahoze akundana n’icyamamare akanaba umucuruzi, Kylie Jenner, banabyaranye abana babiri. https://imirasiretv.com/pasiteri-yafatiwe-mu-rugo-rwumugore-wabandi-agerageza-gucikira-mu-idirishya-yambaye-isume-gusa/