Winnie Nwagi umuhanzikazi uri mu bakomeye mu gihugu cya Uganda yahwituye abakobwa bose ko bagakwiye gukuba umubare w’amafaranga ya tike bakaba abagabo, mu gihe babahamagaye ngo bamarane umwanya nabo.

Uyu muhanzikazi yatangaje ibi ngo kuko umwanya abakobwa bamarana nabo bateretana uruta kure amafaranga baba babatse. Aha yakoresheje amafaranga akoreshwa muri Uganda angana n’ibihumbi 16 Frw avuga ko umwanya bamarana urusha agaciro kure ibyo bihumbi 16 Frw baba babahaye.

Yagize ati “Abagore rwose nabo bakwiye kurekera kwaka abagabo udufaranga tw’intica n’ikiza. Yewe nubwo aho waba ugiye kumusanga ari hafi. Ukwiye kumwaka amafaranga menshi cyane aruta iyo tike kuko umugabo ugukunda ntabwo azigera azuyaza kuguha amafaranga uri kumwaka. Icyo gihe niba uzi neza ko ayafite ukayamwaka akayakwiza, uzamenye ko atagukunda by’ukuri.”

Uyu muhanzikazi akomeza avuga ko yizera ko urukundo ari ukwita ku muntu ndetse no kugira ibyo umuha, ashimangira ko umugabo ukunda umukobwa by’ukuri aba yiteguye guha umukobwa buri kimwe cyose.”

Nwagi yubatse izina mu gihugu cya Uganda kubera ijwi rye rikundwa n’abatari bake ndetse n’imiterere ye ikurura benshi, ibi abivuze mu gihe hari abagabo cyangwa abasore bahamagara umukobwa ngo bahurire ahantu umugabo yakakwa itike ugasanga asa naho ari kubitera umugongo adashaka kubyumva.