Ikigo cyo mu Busuwisi gikora ubushakashatsi ku mupira w’amaguru cyitwa CIES kibarizwa mu Busuwisi, cyakoze urutonde rw’abakinnyi bahenze cyane ku Isi, gushyira umukinnyi w’Umwongereza ukinira Real Madrid, Jude Bellingham, ku mwanya wa mbere, aho yabariwe agaciro ka miliyoni 238 z’Amapound.

Ibi bibaye nyuma y’amezi 12 gusa, uyu mukinnyi aguzwe miliyoni 88 z’Amapound, ava mu ikipe ya Dortmund mu mpeshyi ishize, ubu Bellingham amaze gukuba gatatu agaciro ke ku isoko. Uyu mukinnyi w’Umwongereza, Bellingham ni umwe mubahanzwe amaso i Wembley ku mukino wa nyuma wa Champions League, uzaba kuri uyu wa gatandatu, tariki 01 Kanama 2024.

Umutoza w’u Bwongereza, Gareth Southgate, yatangaje ko mbere ya Euro 2024, yishimiye ko abakinnyi be batatu baje muri batandatu ba mbere bahenze. Abasesenguzi ba CIES bavuga ko Phil Foden ubu afite agaciro ka miliyoni 174 z’Amapound, mu gihe Bukayo Saka afite agaciro ka miliyoni 166.

Nk’uko abashinzwe ibarurishamibare babitangaza, ubu Bellingham arusha miliyoni 21 z’ama pound igiciro cya Haaland waje ku mwanya wa kabiri, nawe ukomeje kwandika amateka akomeye muri ‘English Premier League’ na Manchester City akinira.