Fred Nshimiyimana ni umwe mu bakinnyi b’ikipe y’igihugu y’u Rwanda yari muri Croatia mu gikombe cy’isi cya Handball cy’abatarengeje imyaka 19. Amakuru aravuga ko uyu musore yatorotse, kuko mu gihe cyo gutaha ntabwo yagarukanye n’abandi, abayobozi bari kumwe n’ikipe baramubuze.

Kuwa 9 Kanama 2023 nibwo nanone humvikanye abakinnyi bagera ku 10 b’ikipe y’u Burundi nabo batorotse baburirwa irengero. Mu ikipe y’abakinnyi 13 b’ikipe y’u Burundi, batatu gusa nibo batahutse. Nshimiyimana Fred asanzwe ari umukinnyi wa Police Handball Club iyoboye izindi mu Rwanda.