Ubwo Miss Raissa Uwase Vanessa yahaga umwanya abamukurikira ku mbuga nkoranyambaga ngo bamubaze ibibazo bashaka, yaje guhishura ko yahuzwe urukundo n’ibyo gukundana.  Uyu mukobwa wamamaye mu irushanwa rya miss Rwanda ubwo yabazwaga, hari abakomoje ku rukundo rwe  bamubaza niba nta musore waba warigaruriye umutima we.

Mu kubasubiza yagize ati “Nta mukunzi mfite nta n’uwo nshaka. Nishimiye uku meze.” Abajijwe niba atazongera gukunda ukundi yagize ati “keretse Imana ninzanira umugabo ku ngufu.” Uyu mukobwa kandi yaje guhishura ko atakinywa inzoga ubwo hari uwari umubajije igihe bazasangirira ka divayi.

Mu ntangiriro za 2023 nibwo uyu mukobwa yagaragaye mu binyamakuru ubwo yavugaga ko yatandukanye n’umukunzi we. Uyu mukobwa, muri 2021 yigeze gutangaza ko ari mu rukundo rushya n’umusore yari yarasimbuje Putin Kabalu bari baratandukanye icyakora ntiyavuga uwo bari kumwe mushya.

Miss Vanessa yegukanye ikamba ry’igisonga cya mbere mu irushanwa rya nyampinga w’u Rwanda muri 2015 aho yari akurikiye Kundwa Doriane wari wabaye nyampinga.