Rubayita Sirag, yarwanye na mugenzi we witwa Dancan Khamala bapfa umukobwa, ahasiga ubuzima. Rubayita usanzwe asiganwa mu marushanwa yo kwiruka, yarwaniye n’uyu mugenzi we muri Kenya ahitwa Iten, umujyi usanzwe witorezamo abasiganwa ku maguru baturutse hirya no hino.

Kenya Reports ivuga ko umukobwa utatangajwe amazina yigeze kujya mu rukundo na Rubayita mbere y’uko yisangira umunyakenya. Iperereza ry’ibanze rigaragaza ko uyu munyarwanda yarwaniye inkumi n’uyu munyakenya.

Khamaka barwanye ndetse n’uwo mukobwa batawe muri yombi ngo bakorweho iperereza. Amakuru avuga ko uyu munyakenya yabwiye umutoza we ko uyu mugore nubwo yari umukunzi wa Rubayiza, ariko yari yaramaze kumugira umugore babana, avuga ko kuwa kane w’icyumweru gishize yamuteye aho akorera ibikorwa bye byo kogosha abantu.

Yagize ati “uyu mugore yari umugore wanjye. Yigeze kujya mu rukundo n’Umunyarwanda ariko bari barashwanye mu gihe cy’amezi nk’abiri ashize. Kuwa kane w’icyumweru gishize, uyu munyamahanga aza kwiyenza muri salon yanjye ahita agenda, sinzi icyo yashakaga.”