Umukobwa witwa Nyirabanguwiha Sada ukomoka mu Karere ka Nyanza mu Ntara y’Amajyepfo, akaba yaratangaje ko yagize uruhare rusesuye mu ifungwa ry’umusirikare witwa Habimana Emily azira kuba yaramuteye inda ataruzuza imyaka y’ubukure. Uyu mukobwa avuga ko ibi yabikoze agamije gushaka ibimenyetso bibimuhamya kandi ngo yamaze kubibona nyuma yo gupima umwana na se yifashishize ibizamini bya DNA.

Amakuru avuga ko uyu Nyirabanguwiha n’ubwo yafungishije Habimana Emily ubu yifuza ko yarekurwa ngo abashe kwita ku mwana yabyaye cyane ko nyina nta bushobozi afite. Iki cyifuzo yagihamije abinyujije mu ibaruwa yandikiye Umushinjacyaha mukuru wa Gisirikare, amusaba ko yahagarika iki kirego yatanze cyo gufunga Habimana Emily wamuteye inda.

Muri iyi baruwa uyu  mukobwa avuga ko yareze Emily kubera ko baryamanye abana n’undi mugabo, gusa ngo nyuma amaze gupimisha DNA yasanze umwana ari uwa Habimana Emily, none ubu akaba asaba ko uyu mugabo yafungurwa ngo akore inshingano zo kurera uwo mwana nk’umubyeyi. Ubwo ikinyamakuru UMURYANGO cyahamagaraga uyu mukobwa ngo asobanure neza iby’iyi baruwa, telefone igendanwa ntiyabashije kuyitaba.