Abantu bane bateye urugo rw’uwitwa Murwanashyaka Theoneste rutuye mu mudugudu wa Buhazi mu kagali ka Gati mu murenge wa Muyira mu karere ka Nyanza, bacukura inzu bashaka kumwiba ihene. Amakuru avuga ko nyiri nzu akimara kubumva yahise avuza induru atabarwa n’abaturage, maze barwana n’abo bajura.

Ubwo barwanaga, umwe muri bo yakubiswe n’abaturage ahita apfa, mugenzi we na we arakubitwa kuburyo na we arembye cyane nk’uko bitangazwa n’abamubonye akaba yajyanwe kwa muganga mu bitaro bya Nyanza ngo akurikiranwe nk’uko byemezwa na Gitifu wa Muyira, Muhoza Alphonse, mu gihe RIB igikomeje iperereza kugira ngo hamenyekane ku byabereye aha n’ababigizemo uruhare.