Umunyamabanga Nshingwabikorwa w’Akagari ka Nyange gaherereye mu Murenge wa Kibeho, Mbonizana Martin arishyuza Akarere ka Nyaruguru amafaranga angana na miliyoni 900 Frw nyuma y’uko ngo yirukanywe mu buryo bunyuranyije n’amategeko.

Nk’uko bikomeje kugaragara mu ibaruwa ikomeje gukwirakwira hirya no hino ku mbuga nkoranyambaga, Mbonizana Martin avuga ko arega Akarere ka Nyaruguru, kuba karamwirukanye ku mwanya w’ubuyobozi hadakurikijwe amategeko agenga umurimo ku bakozi ba Leta.

Ubwo BWIZA dukesha iyi nkuru yageragezaga kuvugisha Mbonizana Martin ntiyafashe telefone ndetse ntiyanasubije ubutumwa yandikiwe.