Muri iyi minsi hari imvugo zateye ngo nta foto nta kintu kiba cyabaye, byatumye abantu benshi babigira nk’umuco kuburyo buri wese akantu akoze ahita afata amafoto kugira ngo aze kubinyuza ku mbuga nkoranyambaga ze abamukurikira baze kubibona ko ibyo bintu yabikoze, abe ameze nk’umuntu watanze gihamya cyemeza ko yabikoze koko.

Akenshi muri iyi minsi abantu bakunda kunengwa kubera ibyo bikorwa harimo abifotoza igihe bagiye gufasha abakene, cyangwase gutera inkunga abatishoboye bakifashisha ama camera, gusa bagakunda no kwifashisha umurongo wo muri bibiliya uvuga ko ubundi igihe ugize neza n’ukuboko kw’iburyo, ukw’ibumoso kutagakwiye kubimenya, ndetse nunakora neza ntukavuze induru ngo ab’isi babimenye kuko ubwo uzaba uhawe igihembo cyawe data wo mu ijoro ntago azaguhemba.

Kuri uyu wa 23 mutarama 2023 hatangiye gucaracara amafoto y’umunyamakuru w’ikimenyabose Lucky Nzeyimana kubwo kuba azwi mu gukora ibiganiro by’imyidagaduro kuri television y’igihugu, gusa muri ayo mafoto uyu Nzeyimana yari ari kumva ya nyakwigendera Yvan Buravan bigaragaza ko yayifotorejeho ubwo yari yagiye kumwibuka.

Umwe mu bakurikirwa cyane kuri twitter ubwo yapostingaga aya mafoto yavuze ko abineze cyane kubera koi bi ari ugushinyagura, ikirenze ibyo ukanarenga ukicara ku mva ye ndetse we avuga ko umuntu niba yagiye kwibuka uwagiye, yakabikoze bikarangira adakiniye ku gituro cye, yagize ati “Ibi bintu byo kwifotoreza kumva ntago ari sawa rwose njye numva niba usuye abacu bitabye imana wabasura ariko ibyo gupostinga gutya hoya! Umuco wacu uturange! Murakoze.”

Ubwo yamaraga kubishyira ku rukuta rwe koko abantu bamukurikira babisamiye hejuru bagaragaza uburyo iki gikorwa kitagakwiye gushyigikirwa mu bitekerezo bagiye batanga, umwe yagize ati “Ndebera uyu ngo ni Lucky noneho we anafata positeri neza neza kandi iyo ubimubwiye aratukana.” Undi agira ati “ ibintu byo kuvuga ngo ntafoto nta cyabaye bimaze kuremaza benshi, ubu koko ibi bibamarira iki? Ukajya gusura umurwayi ukamwifotorezaho?”

Undi yagize ati “ Ibi ni ukwibonekeza,ibi ni ubushinyaguzi,nyamara nka Jay Polly akiri muzima uyu mujama ntiyamusuye,none ndorera,abanyarwanda dukunda abapfu koko.” Undi ati “ Buriya disi baba bazi ko babikoze!!!!ariko se aka gashinyaguro ni nde wagatoje abanyarwanda banyarwanda!!!ibi si byiza namba!!!umusazi yasomeje amase amaganga ati ibitajyanye ni ibi!”

Abantu bakomeje bavuga ko ibikorwa nk’ibi bishobora gutuma n’umuntu wari ufite ubushake bwo kujya gusura imva y’uwo yakundaga abireka kubera ibi, gusa bavuga ko gusura no gufasha byakabaye ibikorwa biturutse ku mutima kandi bidasaba kwiyamamaza, uwavuze gutyo yakomeje avuga ati “ ubundi iyo akaboko kamwe  gatanze akandi ntikagakwiye kubimenya.”

Mu gutungurwa kwinshi Lionel Sentore yavuze uko yatunguwe no kumva umugore we Bijoux yarabyaye anatungura abantu ubwo yavugaga ikimuzanye mu Rwanda.

Ibi bintu byo kwifotoreza kumva ntago arisawa rwose nge numva niba usuye abacu bitabye imana wabasura ariko ibyo gupostinga gutya hoya! Umuco wacu uturange! Murakoze🙏🙏🙏🙏👌 pic.twitter.com/YdTmTEnVb6

— ornella mwiza (@ornellamwiza) January 23, 2023