Dukuzimana Ignace Sengazi Michael, ni umunyarwenya wamamaye cyane ku rwego mpuzamahanga kubera ko mu kazi ke ka buri munsi akunze gukoresha ururimi rw’igifaransa. Uyu munyarwenya ufite inkomoko mu Rwanda no mu Burundi, kuri uyu wa 14 gicurasi 2023 yataramiye I Goma muri repubulika iharanira Demokarasi ya Congo.
Ubwo yitabiraga iki gitaramo iki gitaramo cy’urwenya gisanzwe kibera I Goma cyitwa ‘Goma Rire’yababwiye ko kuba u Rwanda na Congo bitabanye neza bitamubuza kubataramira. Nk’uko Justin Kabumba wari witabiriye iki gitaramo yabitangaje, Sengazi yagize ati “naje gushimisha abatuye I Goma no kubasetsa nubwo hari ibiri kuba.”
Sengazi afite inkomoko mu Rwanda no mu Burundi aho nyina ari umunyarwandakazi, se akaba umurundi, akaba yisanga muri ibi bihugu byombi. Mu mwaka wa 2019, Sengazi yegukanye igihembo ‘Talent du rire’ gitangwa na radio mpuzamahanga y’abafaransa, RFI, nk’indashyikirwa.
Dukuzimana Ignace 