Umupadiri muri Kiliziya Gatolika muri Diyosezi ya Bunda, mu Ntara ya Mara mu gihugu cya Tanzania, Padiri Karoli Mganga, n’uwahoze ari umucungamutungo we, Gerald Mgendigendi, barashinjwa kwiba asaga miliyari 1.7 y’amashilingi ya Tanzania [angana na 832, 424, 985 Frw], n’andi agera ku 100,000 by’amadolari y’Amerika ndetse n’andi arenze 20,000 by’amayero. https://imirasiretv.com/umugabo-wimyaka-45-yishe-umukecuru-baturanye-wamuhozaga-ku-nkeke-amusaba-gushaka-umugore/

Aba bombi bitabye Urukiko rwa Musoma, aho bakurikiranyweho ibyaha 178, birimo no kuyobora agatsiko k’abagizi ba nabi. Kuri uyu wa Kabiri tariki ya 6 Kanama 2024 nibwo bitabye Urukiko, ariko ntibahabwa umwanya wo kugira icyo bavuga ku byo bashinjwa, kuko nta bubasha uru rukiko rufite bwo kuburanisha imanza nk’izo.

Umushinjacyaha Mukuru w’Intara ya Mara, Amoscsye Erasto, yasomye ibirego birimo no gukora inyandiko mpimbano mu buryo bunyuranyije n’amategeko. Amoscsye, yavuze ko “Aba bombi baregwa ibirego 178, birimo n’icyaha cyo kuyobora agatsiko k’abagizi ba nabi, iyezandonke ry’amafaranga kandi binyuranyije n’itegeko mpanabyaha, n’ibindi byaha byinshi cyane.”

Padiri Karoli Mganga, n’uwahoze ari umucungamutungo we, Gerald Mgendigendi, bahise bafungwa bikaba biteganyijwe ko tariki ya 20 Kanama 2024, ari bwo urubanza rwabo ruzatangira kuburanishwa mu mizi. https://imirasiretv.com/icyemezo-kiruta-ibindi-nafashe-mu-buzima-ni-ukugunda-uwahoze-ari-umugore-wa-safi-madiba-yatakagije-umugabo-bashakanye/