Muri Ghana umupasiteri w’ibinyoma  witwa Kelvin Abeka, yatawe muri yombi azira kwiyitirira umuhanuzi wamamaye cyane muri iki gihugu, witwa Emmanuel Aboagye arko bakunda kwita Ogyaba.

Abeka yagaragaye nyuma yo gukangisha umugore we utwite urupfu yazagira mu gihe cyo kubyara bityo amutegeka kwemera akamwogesha amazi y’umunyu mu myanya ye yibanga.

Ibi byamenyekanye ubwo Ogyaba, uyobora ndetse wanashinze urusengero rwa “Holiness of Christ Zion Ministry” yahataga ibibazo uyu Akeba nawe uyobora “Divine Fire Ministry” yanashinze, bari mubiro bye (mu biro bya Ogyaba).

Ibi kandi byagiye ahagaragara ubwo Oman Channel yashyiraga hanze videwo yafashe uyu mupasiteri w’umutubuzi. Abeka yemeye ko yiyitiriye umuhanuzi Ogyaba kugira ngo agirirwe icyizere n’abantu batari bamuzi.

Ogyaba yatangaje ko uyu mugabo yafashe umugore we akamujyana mu bwogero bw’inzu yabo hanyuma agatangira kumwoza mu myanya ye y’ibanga n’amazi y’umunyu nyine nkuko byavuzwe haruguru.

Uyu mugore wari utwite inda nkuru, wanagizwe ho ingaruka n’ibi bikorwa bya Abeka nawe yari ahari mu biro bya Ogyaba ubwo Akeba yahatwaga ibibazo.

Abeka yagerageje gusegurira ibi ibikorwa bye bigayitse, avuga ko byari itegeko yari yahawe n’Imana kugirango ahe umugore we imbaraga z’umwuka zizamufasha najya kubyara zikamukuriraho urupfu, ariko biba iby’ubusa.