Umusore usanzwe ari umushumba yafatiwe mu rugo rw’abandi ruherereye mu Mudugudu wa Nkiko mu kagari ka Kiruri mu Murenge wa Mukingo mu karere ka Nyanza, ari kwiha akabyizi arakubitwa bikomeye, abaje gutabara nyuma yo kumva aurusaku bamujyana kwa muganga ari intere.https://imirasiretv.com/huye-umugabo-yasezeranye-numugore-we-aryamye-mu-ngobyi-yabarwayi-amazemo-amezi-umunani-amafoto/

Ikinyamakuru UMUSEKE dukesha iyi nkuru cyatangaje ko uwo musore usanzwe ari umushumba, yagiye mu rugo rw’abandi asambana n’umugore w’abandi bikekwa ko ari nyiri ururugo. Uwatanze amakuru yagize ati “Uwo mushumba bamusanze ari kwiha akabyizi baramukubita gusa yatakaga mu nda kandi uwo mugore yari yasinze.”

Umwe mu bayobozi bo mu nzego z’ibanze yavuze ko nawe yagiye kureba uwo mushumba asanga aryamye yambaye agakabutura hasi, arebye haruguru abona igitenge. Yakomeje avuga ko abaturage bavugaga ko icyo gitenge ari icy’uwo mugore naho ibyo kuba barasambanye atabyemeza.

Yavuze ko uriya mushumba ashobora kuba yakubiswe ariko nta gikomere yari afite, icyo gihe ubuyobozi bwahise bumujyana aho yakoraga akazi k’ubushumba mu Mudugudu wa Murehe mu kagari ka Kiruri mu Murenge wa Mukingo mu karere ka Nyanza nubwo yafatiwe mu Mudugudu wa Nkiko muri kariya gace.

Yahise ajyanwa ku kigonderabuzima cya Gatagara ngo yitabweho n’abaganga. UMUSEKE wagerageje kuvugisha Umunyamabanga Nshingwabikorwa w’Umurenge wa Mukingo, Ange Kayigi, ariko ntiyashima kuvugisha umunyamakuru.