Urwego rw’igihugu rw’ubugenzacyaha RIB rwataye muri yombi umusore ukunzwe cyane kandi uvuga rikijyana kuri twitter ku mazina ‘NTAMA W’IMANA 2’ akurikiranweho icyaha cyo gushishikariza abantu gusambanya abana batujuje imyaka.

Nyuma yo gutabwa muri yombi, RIB ibinyujije ku rukuta rwayo rwatangaje ko yatawe muri yombi, ariko hakaba hakozwe iperereza rikagaragaza ko uyu musore basanze anywa ikiyobyabwenge cyitwa urumogi kikaba gishobora kuba kiri muri bimwe mu ntandaro z’ibyo uyu musore yandika kuri twiter. Banatangaje ko uyu musore afungiye kuri sitasiyo ya RIB ya Kacyiru mu gihe dosiye ye irimo gutunganywa kugira ngo yoherezwe mu bushinjacyaha.

Mu butumwa uyu musore yakunze gushyira ku rukuta rwe harimo ubwo yakundaga gushishikariza abantu gusambanya abana, gusa nyuma kuwa 20 werurwe 2023 yaje kwandika ubutumwa asaba imbabazi ko yabonye ibyo yakoze byo gushishikariza abantu gusambanya abana Atari byo asaba imbabazi.