Umugabo uvuka muri komine ya Itaba mu ntara ya Gitega mu gihugu cy’u Burundi amakuru avuga ko yari yarapfiriye muri Sosumo mu ntara ya Rutana aho yari yaragiye gupagasa. Nk’uko tubikesha Mashariki TV yo muri icyo gihugu ngo umunsi apfa umuryango we ufatanyije na Komini bagiye kumushyingura.

Bakomeza bavuga ko nk’uko babitangarijwe n’abashinzwe umutekano mu Burundi, hari hashize igihe kinini cyane uyu mugabo apfuye akanashyingurwa, ariko kuri uyu wa 8 Ukwakira 2023 yaje kugaragara mu rusengero rw’abaporoti rwo mu Rusange muri komini ya Itaba.

Ngo ab’iwabo baramubonye baramumenya nawe arabamenya, kuko uwo mugabo byari bizwi ko yapfuye yabonye Nyina amumenye aravuga ati “uyu ni Mama” ndetse anamenya na mushiki we. Amakuru aravuga ko muri komini ya Itaba batangaje ko uwo mugabo arimo gusengerwa n’abanyamasengesho.