Umusore uri mu kigero cy’imyaka 20 yarashwe n’abajandarume nyuma yo kwica abantu batanu bo mu muryango we harimo abana batatu mu gihugu cy’ubufaransa. Mu ntwaro uyu musore yari yitwaje harimo imbunda n’inkota. Abajandarume bakaba batabaye mu gace yari arimo kuri uyu wa 20 Nyakanga nimugoroba.

Inkuru ya 7 sur 7.be ivuga ko ngo abajandarume bagerageje kuganira nawe ijoro ryose ariko ntibyagira icyo bitanga, gusa ngo yaje kubishyikiriza mu rukerera. Abantu batanu bishwe ni abo mu muryango wari urimo abana badahuje ababyeyi bose, uyu musore akaba yari umwe muri bo.  Basanzwe bapfiriye mu nzu iri muri komini ihana imbibe na Amberie-en-bugey bari basanzwe babamo bakaba barayigezemo muri Nyakanga 2020 nk’uko byatangajwe na meya Douvre, Christian Limousin.

Abashinzwe umutekano harimo abajandarume n’abatekinisiye bari bazindukiye ahabereye icyaha nk’uko igihe dukesha iyi nkuru babitangaje. Iri nsanganya ni rimwe mu bwicanyi bwo mu miryango bukomeye mu gihugu cy’ubufaransa mu gihe cya hafi aha, aho mu mwaka wa 2020 umugabo yishe umugore we, abana be babiri n’abishywa be babiri mu gace kitwa Noisy-Le-Sec.

Umugabo wo mu karere ka Karongi yasanzwe mu mugozi yapfuye| kwiyahura harimo uwuhe muti?