Umusore witwa Mutezimana Viateur wo mu karere ka Rutsiro yagwiriwe n’igiti, ashiramo umwuka ubwo yajyanwaga kwa muganga. Amakuru y’urupfu rwe yamenyekanye mu gitondo cyo kuri uyu wa 18 mata 2023 muma saa tatu n’igice.  Umugore byari bizwi ko yapfuye yagaragaye mu kiriyo cye ameze neza

Mutezimana ubusanzwe yari atuye mu murenge wa Mushonyi akagari ka Rurara, ariko impanuka yamuviriyemo urupfu yabereye mu murenge wa Ruhango akagari ka Rugasa ari naho yasize ubuzima. Aya makuru kandi yahamijwe n’umunyamabanga nshingwabikorwa w’umurenge wa Ruhango, Ladislas Ruzindana.

Gitifu Ruzindana yavuze ko uyu Mutezimana yakoraga akazi ko kubaza imbaho, ubwo yagwirwaga n’igiti bakamujyana ku kigo nderabuzima yapfiriye mu nzira ataragerayo. Yavuze ko umurambo we uri mu kigo nderabuzima cya Bitenga nk’uko Rwandanews24 babitangaje.