Dukuzimana Ignace Mu karere ka kamonyi ho mu murenge wa Runda, hari umusore wafashwe n’abaturage arimo gusambanya ingurube, ibi byabaye kuri uyu wa 5 ukuboza 2022 nk’uko abaturage baturanye n’uyu musore ndetse na nyiri iyi ngurube babisobanuriye TV1.
Ubwo babisobanuraga, nyiri iyi ngurube yavuze ko yari ageze murugo arimo gutaha agasanga umusore arimo gusambanya ingurube ye, ndetse umusore agahita yiruka mu kumwirukaho abaririza abahafi niba bamubonye, bikaza kurangira umusore afashwe maze agahita ajyanwa ku murenge wa Runda.
Aba baturage kandi bakomeje bavuga ko Atari ubwa mbere uyu musore yari afatiwe mu cyuho arimo gusambanya itungo, kuko no mu minsi yashize yafashwe ari kumwe n’inka, agafungwa amezi makeya akaza kurekura, none bikaba byari bibaye ubugira kabiri afatiwe ku itungo.
Aba baturage bavuze ko kandi ubwo uyu musore yafatwaga yari afite ubusyogororo bw’ingurube ku gitsina cye, ndetse n’ingurube ubwayo ku gitsina cyayo habyimbye, bikaba ari ibimenyetso batanze kuri RIB ubwo babisabwaga kugira ngo bagaragaze ibikorwa bidafututse by’uyu musore.
Aba baturage kandi banasabye leta ko uyu musore yasuzumwa hakarebwa niba nta kibazo afite, kuko uburyo yafashwe ku nka none akaba afashwe no ku ngurube akaba Atari ibintu by’umuntu muzima, gusa ubwo uyu musore yafatwaga umuvugizi wa RIB yari ataragira icyo abwira TV1 dukesha iyi nkuru nk’uko yari yabibasezeranije.
Abahanga mu bijyanye n’ubuzima bavuga ko kurarikira gukora imibonano mpuzabitsina n’ikindi kintu cyose kitari umuntu bifatwa nk’uburwayi bubarirwa mu ruhurirane rw’indwara aribyo bita PARAFILIA mu ndimi z’amahanga.
Nubwo ibi bishobora kuba biterwa n’uburwayi ariko mu mategeko y’u Rwanda ahana, ingingo y’142 ivuga ko umuntu wese ukora igikorwa ku gitsina ku nyamaswa aba akoze icyaha, iyo abihamijwe n’urukiko ahanishwa igifungo kitari munsi y’amezi atandatu ariko nanone kitarenze umwaka umwe. source: TV1
Ibintu 4 abasore bakundira kuryamana n’abagore bakuze kubarusha.
Dukuzimana Ignace 