Umusore witwa Ndahimana Alexis w’imyaka 29 y’amavuko yiyemereraga ko ari we wishe umukecuru w’itwa Mukarusi Rosalie w’imyaka 69 y’amavuko. Ni nyuma y’uko nyuma y’urupfu rw’uyu mukecuru, Inzego zishinzwe umutekano zakoze iperereza zishakisha abagize uruhare mu rupfu rwe, birangira uyu Ndahimana atawe muri yombi yemera ko ari we wamwishe.

Amakuru avuga ko Ndahimana mbere yo kwica Mukarusi yabanje kumwiba amafaranga ibihumbi 200frw ndetse n’ibishyimbo. Nk’uko byemezwa n’umunyamabanga nshingwabikorwa w’umurenge wa Rukoma mu karere ka Kamonyi, Mandela Innocent, Ndahimana yagiye kwereka polisi aho yahishe ibyo yibye, aza kugerageza gucika polisi bahita bamurasa mu cyico.

Gitifu Mandeka avuga ko Ndahimana yari yarigeze gukora mu rugo rwa Mukarusi. Ndahimana yarasiwe mu mudugudu wa Kigarama akagali ka Remera muri uyu murenge.